Vae (12) Naw ZCBA BM Meeting tuh ZBC-TN kya rae thuazah meeting Khriccaawbuu kyate BM nungpaaw hae 52 meeting ae kae hae. Zotung Baptist Church Utah tuh Vae (12) Naw ZCBA BM Meeting kyate ZCBA Khriccaawbuu buukheit lan ccou athua. Zotung Baptist Church Utah hynh Zotung Chin Baptist Association ram lungkhu Pachia nynh Khriccaawbuu buu-hawnaw lan hythua pyapaw nynh athua.
Vae (12) Naw BM Meeting kyate Oklahoma Zotung Baptist Church athonaw te Pastor lan Pachia rya po laah zah 2025 kum innbyn te Oklahoma City kyate Colorado lan nuekuhpaw Rev. David Van Dawt Bik tuh ZBC-UT Pastor lan BM nungpaaw hae nynh ccoupya te hythua pya athua.
Vaeram (Burma) te USA lan Baebu siainn ae kaebua paw Rev. Win Kyaw tuh Zotung Baptist Church-Indiana Pastor lan BM nungpaaw hae nynh ccoupya te hythua pya athua.
ZCBA tuh Pachia nynh hythuanaw pya zah Vae (12) Naw BM Meeting kyate Pachia Bya pazae kunaw lante Thyaa Muisaw kya kou lethung khonaw lan cite ZCBA Camping zemah relan cite enaw nungku athua. Hynh hawte Camping relan cite Pachia nynh Khua Phung (ZCBA Treasurer 1) te Thawngmung Ccungsabawi (ZCBA Treasurer 2) thinlung kya muih khonaw a pya hae keiccuze BM nungpaaw balyn nynh Pachia Min phu-e pya athua.
2026 Kum ZCBA Mino Camping tuh Charlotte, North Carolina kya July 14-19, 2026 cia tua athua cizah Pr. Aung Lian (ZCBA Youth Deputy) te Rev. Thian Nun Piang nynh Pachia bya accangpah cih hae.
Solomon Ha Tha
ZCBA Media Leader
ZCBA-USA 